- » Мақсаттар мен міндеттер
- » Журнал бөлімдері
- » Рецензиялау процесі
- » Мерзімділік
- » Еркін қолжетімділік саясаты
- » Мұрағаттау
- » Рецензиялау
- » Ғылыми жарияланымдар этикасы
- » Кұрылтайшы
- » Жариялау үшін төлем
- » Мүдделер қақтығысы және ашылу саясаты
- » Түпнұсқалылық және плагиат
- » Препринттер мен постпринттерді орналастыру саясаты
- » Кіріс көздері
Мақсаттар мен міндеттер
Манаш Қозыбаев атындағы Солтүстік Қазақстан университетінің Хабаршысы — екі жасырын рецензиясы бар көпсалалы ғылыми журнал.
Журналдың мақсаты: Қазақстанның, алыс және жақын шет елдердің ғылыми қоғамдастығында өзекті ғылыми-білім беру ақпаратымен тиімді алмасуды қамтамасыз ету; жаратылыстану ғылымдары, педагогикалық ғылымдар, әлеуметтік-гуманитарлық ғылымдар, ауыл шаруашылығы ғылымдары, техникалық ғылымдар және филология ғылымдары саласындағы теориялық және қолданбалы зерттеулердің барлық бағыттары бойынша бірегей ғылыми жұмыстарды жариялау.
Міндеттері:
- ғылыми зерттеулер нәтижелерін ашық және қолжетімді жария ету ортасын құру;
- іргелі және қолданбалы ғылымның түрлі салаларында елеулі мәні бар жаңа ғылыми нәтижелерді жарыққа шығару;
- ғылыми қауымның оларға тұрақты қызығушылығын қалыптастыру, сондай-ақ жас ғалымдарды, Қазақстан ҒЗИ, алыс және жақын шет елдердің қызметкерлерін зерттеуге тарту мақсатында халықаралық ғылымдағы өзекті және перспективалы бағыттар бойынша ғылыми мақалалар жариялау.
Жарияланымдар тілі: қазақ, орыс, ағылшын тілдері.
Жарияланым түрлері:
- ғылыми мақалалар
- шолулар
- Қазақстанның жетекші ғалымдарын еске алуға, мерейтойлық даталарға арналған мемориалдық мақалалар.
Журнал ғылыми жұмыстарды авторлардың азаматтығына және ведомстволық бағыныстылығына қарамастан жариялайды. Мақалаларды іріктеу материалды плагиатқа тексеру және екі жасырын рецензиялау негізінде жүргізіледі.
Таралу аумағы: Қазақстан Республикасы, алыс және жақын шет елдер.
Қайта есепке алу туралы куәлік: № KZ66VPY00102049, 2024 жылғы 26 қыркүйек, ҚР Мәдениет және ақпарат министрлігі.
Журнал ҒЦРИ-ға кіреді.
Журнал «Биологиялық ғылымдар» бағыты бойынша ғылыми қызметтің негізгі нәтижелерін жариялау үшін ҚР ҒЖБМ ҒЖБСҚК ұсынатын ғылыми басылымдар Тізбесіне кіреді, 23.01.2026 жылғы № 34 бұйрық.
Журнал бөлімдері
Қолжазбаларды еркін нысанда беруРецензиялау процесі
Рецензиялау түрі
«Манаш Қозыбаев атындағы Солтүстік Қазақстан университетінің Хабаршысы» журналының редакциясына келіп түскен барлық ғылыми мақалалар плагиатқа міндетті түрде тексеруден және екі жасырын рецензиялаудан өтеді (рецензент қолжазбаның авторларын білмейді, қолжазбаның авторлары рецензенттерді білмейді). Плагиатқа тексеруден өткен ғылыми мақалалардың қолжазбаларын рецензиялау басылымдардың жоғары ғылыми-теориялық деңгейін қамтамасыз ету, неғұрлым құнды және өзекті ғылыми жұмыстарды іріктеу, рецензияланатын материалдарды жақсарту жөнінде нақты ұсыныстар енгізу мақсатында жүзеге асырылады.
Рецензиялау қағидаттары:
- плагиатқа тексеруден өткен «Манаш Қозыбаев атындағы Солтүстік Қазақстан университетінің хабаршысы» журналының барлық жарияланымдары рецензияланады;
- ұсынылған мақалаларды сәйкес ғылыми бағыт бойынша кемінде екі тәуелсіз ғалым (сыртқы және ішкі рецензенттер) рецензиялайды;
- рецензенттер ретінде ғылыми дәрежесі, біліктілігі және зерттеу тәжірибесі, Web of Science немесе Scopus халықаралық дерекқорларындағы жарияланымдары бар мамандар қатысады, бұл қолжазбаны құзыретті бағалауға мүмкіндік береді;
- Web of Science немесе Scopus халықаралық дерекқорларында жарияланымдары бар шетелдік рецензенттердің (әлеуметтік-гуманитарлық бағытты қоспағанда) болуы;
- мақалаларды рецензиялау баспада қабылданған ғылыми жарияланымдар этикасының талаптарына сәйкес жүзеге асырылады;
- қайта рецензиялауды (ескертулерді жоюды бақылау) бастапқы рецензиялауды жүргізген рецензент жүзеге асырады.
Рецензенттер құрамы
Мақалаларды рецензиялауды редакциялық кеңестің және редакциялық алқаның мүшелері, сондай-ақ шақырылған рецензенттер - Қазақстан, жақын және алыс шет елдердің тиісті ғылым бағытындағы жетекші мамандары жүзеге асырады. Мақалаға сараптама жүргізу үшін қандай да бір рецензентті таңдау туралы шешімді бас редактор, редактор қабылдайды.
Әрбір рецензент қолжазба материалдарын қабылдау мен түсіндіруде көрініс табатын мүдделердің айқын қайшылығы болған жағдайда рецензиялаудан бас тартуға құқылы. Дәлелді бас тарту редакцияға жіберіледі.
Мүдделер қайшылығы
Егер қолжазба авторының кейбір ғалымдармен мүдделер қайшылығы болған жағдайда, автор аталған қолжазбаны аталған ғалымға (рецензентке) жібермеу және қолжазбаның объективті емес бағасын алу үшін ілеспе хатта осындай мүдделер қайшылығының болуын көрсетуге міндетті.
Қолжазбаны рецензиялау барысында автор мен рецензент арасында қайшылық туындауы мүмкін. Мұндай жағдайда «Манаш Қозыбаев атындағы Солтүстік Қазақстан университетінің Хабаршысы» журналының редакторы қолжазба үшін жаңа рецензент тағайындауға және дауларды реттеу үшін бас редакторды тартуға құқылы.
Рецензиялау барысы
«Манаш Қозыбаев атындағы Солтүстік Қазақстан университетінің Хабаршысы» журналының редакциясы рецензиялаудың үш кезеңін қарастырады: мақаланы пысықтау туралы бірінші шешімнен кейін авторда рецензенттің (тердің) ұсыныстарына сәйкес өзгерістер енгізуге екі әрекет не болмаса олардан дәлелді бас тарту бар. Егер рецензиялаудың үшінші кезеңінен кейін сарапшы ескертулерді қайта жіберсе, журнал редакторы авторға басқа журналда жариялау мүмкіндігін қарауды немесе енгізілген өзгерістерімен бірге мақаланы қайта қарауға беруді ұсынады.
Рецензияның түйін жасау бөлігінде рецензенттің қорытындысы ретінде мынадай ұсынымдар ұсынылады:
- жариялауға қабылдау;
- түзетулер қажет;
- қайта рецензиялап, қайта өңдеу;
- басқа журналға жіберу;
- мақаланы қабылдамау;
- түсініктемелерді қарау.
Рецензиялау мерзімдері
- ғылыми материалдарды рецензиялау кемінде күнтізбелік 14 күн мерзімде жүргізіледі;
- рецензенттердің ескертулері бойынша мақалаларды пысықтау мерзімдері, сондай-ақ қолжазбаларды қайта сараптау әр түрлі болуы мүмкін.
Мерзімділігі жылына 4 рет
Мерзімділік
Жылына 4 рет
Еркін қолжетімділік саясаты
«Манаш Қозыбаев атындағы Солтүстік Қазақстан университетінің Хабаршысы» — ашық қолжетімді журнал. Барлық мақалалар жарияланғаннан кейін оқырмандарға тегін ұсынылады.
Журналдың ашық қолжетімділік саясаты Будапешт ашық қолжетімділік бастамасының (BOAI) анықтамасына сәйкес келеді, яғни мақалалар интернетте еркін қолжетімді болады және кез келген пайдаланушы бұл мақалалардың толық мәтіндерін оқи алады, жүктей алады, көшіре алады, тарата алады, басып шығара алады, іздей алады немесе оларға сілтеме жасай алады, оларды индекстей алады, бағдарламалық жасақтамаға деректер түрінде бере алады немесе оларды кез келген өзге де заңды мақсаттарда пайдалана алады. Мұның бәрі интернетке қол жетімділіктің міндетті болуын қоспағанда, қаржылық, заңды немесе техникалық кедергілерсіз жүзеге асады.
Қосымша ақпарат алу үшін BOAI мәлімдемесін қараңыз.
Мұрағаттау
Ғылыми журналдың электрондық нұсқалары қорды қалыптастыру және электрондық кітапханаға енгізу үшін "МҰҒТСО" АҚ ұсынылады. Журнал материалдарды мұрағаттауды жүргізеді Elibrary.ru 2019 жылдан бастап.
Рецензиялау
«Манаш Қозыбаев атындағы Солтүстік Қазақстан университетінің Хабаршысы» журналының редакциясына келіп түскен барлық ғылыми мақалалар міндетті түрде плагиатқа тексеруден және екі жасырын рецензиялаудан өтеді (рецензент қолжазбаның авторларын білмейді, қолжазбаның авторлары рецензенттерді білмейді).
Мақалаларды рецензиялауды редакциялық кеңестің және редакциялық алқаның мүшелері, сондай-ақ шақырылған рецензенттер - Қазақстан, жақын және алыс шет елдердің сәйкес ғылым бағытындағы жетекші мамандары жүзеге асырады. Мақалаға сараптама жүргізу үшін қандай да бір рецензентті таңдау туралы шешімді бас редактор мен редактор қабылдайды.
Егер қолжазба авторының кейбір ғалымдармен мүдделер қайшылығы болған жағдайда, автор аталған қолжазбаны аталған ғалымға (рецензентке) жібермеу және қолжазбаның объективті емес бағасын алу үшін ілеспе хатта осындай мүдделер қайшылығының болуын көрсетуге міндетті.
Әрбір рецензент рецензиялауды жүргізуден бас тартуға құқылы. Дәлелді бас тарту редакцияға жіберіледі. Қолжазбаны қарау қорытындылары бойынша рецензент мақаланың одан арғы беталысы туралы ұсынымдар береді (рецензенттің әрбір шешімі айғақталады):
жариялауға қабылдау;
- түзетулер қажет;
- қайта рецензиялап, қайта өңдеу;
- басқа журналға жіберу;
- мақаланы қабылдамау;
- түсініктемелерді қарау.
Егер рецензияда мақаланы түзету және пысықтау жөніндегі ұсынымдар қамтылса, журналдың редакциясы авторға мақаланың жаңа нұсқасын дайындау кезінде оларды ескеруді немесе оларды дәлелді түрде (ішінара немесе толық) теріске шығаруды ұсына отырып, рецензия мәтінін жібереді. Қайта рецензиялауға жіберу туралы шешім қабылданған жағдайда автор пысықтаған мақала сол рецензентке қайта рецензиялауға жіберіледі.
Авторлар материалдарды пысықтаудан бас тартқан жағдайда авторлар өздерінің мақаланы жариялаудан бас тартқаны туралы редакцияға жазбаша немесе ауызша түрде хабарлауға тиіс. Егер авторлар рецензияны жіберген күннен бастап 3 ай өткеннен кейін түзетілген нұсқаны жібермесе, тіпті авторлардан мақаланы түзетуден бас тартқан мәліметтер болмаса да, редакция оны есептен шығарады. Мұндай жағдайларда авторларға пысықтауға бөлінген мерзімнің өтуіне байланысты қолжазбаны тіркеуден алу туралы тиісті хабарлама жіберіледі.
Егер автор мен рецензенттерде қолжазбаға қатысты шешілмейтін қайшылықтар туындаса, редакциялық алқа қолжазбаны қосымша рецензиялауға жіберуге құқылы. Даулы және қайшылықты жағдайларда шешімді бас редактор қабылдайды.
Қолжазбаны жариялаудан бас тарту немесе жариялауға қабылдау туралы шешім рецензенттердің ұсынымдарына сәйкес қабылданады. Жариялауға ұсынылмаған мақала қайта қарауға қабылданбайды. Жарияланымнан бас тарту туралы хабарлама авторға электрондық пошта арқылы жіберіледі.
Журналдың редакциялық алқасы мақаланы жариялауға жіберу туралы шешім қабылдағаннан кейін редакция бұл туралы авторға электрондық пошта арқылы хабарлайды.
Оң пікірлер негізінде жариялауға ұсыныстар журналдың редакциялық алқасының отырысында бекітіледі. Даулы және қайшылықты жағдайларда шешімді бас редактор қабылдайды.
Ғылыми жарияланымдар этикасы
«М. Қозыбаев атындағы СҚУ Хабаршысы» журналының редакциясы журналда жариялауға мақалаларды таңдау туралы шешім қабылдауға жауапты болады. Редакторлардың ұсынылған жұмыстарды бағалауы тек зияткерлік мазмұнмен ғана шектелуі тиіс. Редакция жала жабуға, авторлық құқықтарды бұзуға және плагиатқа қатысты құқықтық талаптарды бұзатын кез келген материалды өз қалауы бойынша қабылдамауы мүмкін. Редакция ұсынылған жұмыстардың құпиялылығын олар жарияланғанға дейін қамтамасыз етуге міндетті.
Авторлардың міндеттері
Түпнұсқалық зерттеудің ғылыми жұмыстарының авторлары атқарылған жұмыс туралы нақты есепті, сондай-ақ оның маңыздылығын объективті талқылауды ұсынуы тиіс. Негізгі деректер құжатта дұрыс ұсынылуы тиіс. Құжатта басқаларға жұмысты қайталауға мүмкіндік беру үшін жеткілікті дәйектер мен сілтемелер болуы тиіс.
Жалған немесе көрінеу дәл емес мәлімдемелер жариялау әдебінің бұзылуын білдіреді және жөнсіз болып табылады.
Көп мәрте немесе қайталанатын жарияланым
Автор бір ғана зерттеуді мәніне сәйкес сипаттайтын қолжазбаларды бір реттен артық журналда немесе бастапқы жарияланымда жарияламауға тиіс. Бiр қолжазбаны бiрнеше журналға бiр мезгiлде беру жариялау әдебінің бұзылуын бiлдiредi және оған жол беруге болмайды. Автор бұрын жарияланған мақаланы басқа журналда қарау үшін ұсынбауы тиіс.
Мақаланың авторлығы
Авторлық хабарланатын зерттеудің тұжырымдамасына, дизайнына, орындалуына немесе түсіндірілуіне елеулі үлес қосқандармен шектелуге тиіс. Елеулі үлес қосқандардың барлығы тең авторлар ретінде көрсетілуі тиіс. Корреспондент-автор барлық тең авторлардың құжатқа сәйкес келмейтін адамдарды қоспай енгізілуін қамтамасыз етуге тиіс. Құжаттың түпкiлiктi нұсқасы барлық тең авторлармен қаралып, мақұлдануы тиiс, кейiннен келiсу және оны жариялау үшiн ұсыну, содан кейiн автор-корреспондент оны Хабаршының сайтына жүктейдi.
Редакцияның міндеттері
Бұл басшылық қағидаттар журнал редакторларына арналған озық тәжірибе бойынша қолданыстағы COPE нұсқаулықтарына негізделген.
Шешімдерді жариялау
Журналдың редакциясы журналға ұсынылған мақалаларды қабылдау немесе бас тарту туралы шешімдері үшін жауап береді.
Әділдік
Редактор қолжазбаларды авторлардың нәсілін, жынысын, діни сенімін, этникалық шығу тегін, азаматтығын немесе саяси философиясын ескермей, олардың зияткерлік мазмұны тұрғысынан бағалауы тиіс.
Құпиялылық
Редактор және кез келген редакциялық персонал жағдайға байланысты тиісті автордан, рецензенттерден, әлеуетті рецензенттерден, басқа редакциялық кеңесшілер мен баспагерден басқа біреуге ұсынылған қолжазба туралы қандай да бір ақпаратты ашпауы тиіс.
Мақалаларды кері қайтарып алу немесе түзету жөніндегі нұсқаулық
Түзетулер, кері қайтарып алу (ретракция), теріске шығару жариялау әдебіне сәйкес жүзеге асырылады. Нұсқаулықты жүктеу.
Кұрылтайшы
«Манаш Қозыбаев атындағы Солтүстік Қазақстан университеті» коммерциялық емес акционерлік қоғамы
Жариялау үшін төлем
Авторлар үшін журналда жариялау тегін. Редакция материалдарды дайындағаны, орналастырғаны және басып шығарғаны үшін авторлардан ақы алмайды.
Мүдделер қақтығысы және ашылу саясаты
Қарауға ұсынылған қолжазбалардан алынған жарияланбаған деректерді Автордың жазбаша келісімінсіз жеке зерттеулерде пайдалануға болмайды.
Рецензиялау барысында алынған және ықтимал артықшылықтарға байланысты ақпарат немесе идеялар құпия сақталуға және жеке пайда алу мақсатында пайдаланылмауы тиіс.
Рецензенттер ұсынылған жұмысқа байланысты кез келген Авторлармен, компаниялармен немесе басқа ұйымдармен бәсекелестік, бірлескен және басқа да өзара іс-қимылдар мен қатынастар салдарынан мүдделер қайшылығы болған жағдайда қолжазбаларды қарауға қатыспауы тиіс.
Түпнұсқалылық және плагиат
Авторлар өз жұмыстарының түпнұсқа екеніне көз жеткізуі тиіс. Егер авторлар жұмысты және/немесе басқа авторлардың сөздерін пайдаланса, онда сөз оралымдары тиісті түрде келтірілуі тиіс. Плагиат басқаның мақаласын жариялаудан бастап автордың жеке мақаласы ретінде басқа мақаланың елеулі бөліктерін көшіруге немесе қайта көрсетуге дейін (растаусыз) басқалар жүргізген зерттеулердің нәтижелерін бекіту секілді әртүрлі нысандарды қабылдайды. Плагиат оның барлық нысандарымен әдепсіз баспа әрекетін білдіреді және орынсыз болып табылады. Егер түпнұсқалылық пайызы 70%-дан кем болса, мақалаларды жариялауға жол берілмейді.
Қолжазбаны дайындау кезінде жасанды интеллект қолданылған және ChatGPT пайдаланылған жағдайда автор(лар) пайдаланылған құралдың немесе сервистің атауын, сондай-ақ оны қолдану мақсатын көрсетуі тиіс. Хабарламаның тұжырымдамасы мынадай болуы тиіс: «Автор(лар) осы қолжазбаны дайындау кезінде генеративтік жасанды интеллект [СЕБЕПТЕРІ) мақсатында ([ҚҰРАЛДЫҢ/СЕРВИСТІҢ АТАУЫ]] технологиялары пайдаланылғанын мәлімдейді. Ұсынылған барлық материалдың дәлдігі, толықтығы және ғылыми стандарттарға сәйкестігі үшін жауапкершілік толығымен авторларға жүктелген.
Препринттер мен постпринттерді орналастыру саясаты
Мақаланы беру барысында автор мақаланың жарияланбағанын немесе басқа ғылыми журналда жариялауға қабылданбағанын растауы қажет. «М. Қозыбаев атындағы Солтүстік Қазақстан университетінің Хабаршысы» журналында жарияланған мақалаға сілтеме жасаған кезде баспадан журналдың ресми сайтына сілтеме (толық URL материалды) орналастыруды сұрайды.
Кіріс көздері
Журналды басып шығару құрылтайшы ұйымның қаражаты есебінен, баспагердің қаражаты есебінен қаржыландырылады
