ЖОҒАРЫ ОҚУ ОРЫНДАРЫ СТУДЕНТТЕРІНІҢ ДЕНЕ ШЫНЫҚТЫРУ-СПОРТТЫҚ ҚЫЗМЕТІН ОҢТАЙЛАНДЫРУ ЖОЛДАРЫ

Жоғары оқу орындарындағы дене шынықтыру және спорт процесін оңтайландыру үшін әр студенттің денсаулығын жақсартуға тікелей қатысты бірқатар мәселелер қарастырылған. Зерттеудің мақсаты - жоғары оқу орындары студенттерінің дене шынықтыру-спорттық қызметін оңтайландыру жолдарын теориялық жүйелеп, әзірлеу және тәжірибелік сынақтан өткізу, ұсынымдарды негіздеу болды. Зерттеу тақырыбы бойынша ғылыми-әдістемелік әдебиеттер мен нұсқаулықтарды саралау, педагогикалық бақылау, салыстыру әдістері қолданылды. Ғылыми-әдістемелік әдебиетті теориялық талдауларда дене шынықтыруды жақсартуда нәтижелерге қол жеткізу үшін тиімді іске асыруға ықпал ететін қағидаттар мен жаңа тәсілдер, әдістер мен технологиялар керек. Дене тәрбиесін оңтайландыру - дене тәрбиесінің теориялары мен әдістерінің заңдылықтары мен принциптері негізінде педагогикалық үдерісті құруға бағытталған тәсілдер мен нақты жағдайлар, сабақтарды және жалпы оқу үдерісін құрудың ең жақсы түрлерін саналы түрде таңдап алу. Дене тәрбиесі сабақтарының тиімділігін арттыру мақсатында бағдарламаларға тәжірибеде тексерілген әдістер ғана емес, сонымен қатар, жаңа ұйымдастырушылық әдістерді де енгізу қажет. Студенттерге арналған жекелеген спорт түрлері мен қазіргі заманғы қозғалыс жүйелерін тереңдетіп оқытуға бағытталған спорттық бағдарланған бағдарламалар, жарыстар, бақылау нәтижелері сабақтардан тұрақты қажеттілікті қалыптастыруға мүмкіндік береді және қабілеттерін бағалайды. Ол іс жүзінде ЖОО құрама командаларын даярлап, дені сау жастардың қалыптасуына мүмкіндік туғызады. Ендеше, оқу процесін ұйымдастыруда және жұмыс бағдарламасының мазмұнын түзетуде, спорттық бағыттағы оқу бағдарламасын таңдау студенттердің қажеттілігін қамтамасыз етіп, жаңа мүмкіндіктер береді. Дене шынықтыру бағдарламаларын одан әрі жетілдіру үшін және спортқа бағытталған технологияларды қолдана отырып, студенттердің дене шынықтыру - спорттық мүдделерін арттырып, олардың қозғалыс белсенділігін жоғарылатып, өмір салтына жаңа мотивация беру қажет. Осының бәрін оқыту технологияларын таңдаудың басымдықтарын анықтауға мүмкіндік туғызады. Студенттерді дене шынықтырумен айналысуға тартуға ықпал ететін дене тәрбиесі процесін оңтайландырудың маңызды шарттары маңызды қажеттіліктер, мотивтер, мүдделер жүйесін өзектендіру және сабақтың мазмұнын дидактикалық толтыруға түбегейлі көзқарас болып табылады. Оқытушы студенттерді дене белсенділікке тарту кезінде бұрын қолданылған және бүгінде қолданатын әсер ету әдістерін егжей-тегжейлі талдап, ондағы тәрбиелік әсерге белсенді жауап беру қабілетін ынталандыруы керек. 

1. Шилібаев Б.А. Дене шынықтыру және спорт теориясы мен әдістемесі. - Алматы: Альманахъ, 2019. - 165 б.

2. Аманбаев Р.Р. Спорт теориясы мен әдістемесінің жалпы негіздері. - Алматы, 2015. - 146 б.

3. Абдрахманов З.Ш., Смаилова А.Ш. Жеңіл атлетика. Қарағанды: "Medet Group" ЖШС, 2017. - 178 б.

4. Мұхамеджанова Ұ.Ж. Дене шынықтыру пәнін оқыту әдістемесі. - Астана: Фолиант, 2007. - 192 б.

5. Абишев К.С., Теміров Н.Б. Қазақтың ұлттық спорт түрлері. - Алматы: Нур-Принт, 2019. - 184 б.

6. Ботагариев Т. Дене шынықтыру және спорт теориясы мен әдістемесі. - Астана: Фолиант, 2017. - 240 б.

7. Төтенай Б. Дене тәрбиесі. - Астана: Фолиант, 2017. - 160 б.