БАЯН БАТЫР ТУРАЛЫ ЖАЗБА ДЕРЕКТЕР

Бүкіл өмірін қазақ жұртының тәуелсіздігі жолындағы күреске арнаған 18 ғасырдың ержүрек бабаларымыздың бірі–батыр Баян Қасаболатұлы. Батырлығымен, тапқырлығымен Абылай ханның ерекше құрметіне бөленген. Қазақ–жоңғар шайқастарына қатысқан. Баян батыр туралы арнайы жоспарлап, нақты зерттеп, тексергенмен автор жоспары Абылай сұлтан, хан тақырыбына құрылған. Бірақ, 18–ғасырдағы қазақ хандығының тарихы болғандықтан, кеңінен қарауға тура келетіні түсінікті. Сондықтан, негізгі тақырыптан ауытқып, мұрағаттағы тарихи деректерге сүйенген автор батыр Баян жоңғар шапқыншылығына қарсы күрескен қазақ батырларының ішіндегі шоқтығы биік батырлардың бірі екендігін көрсете отырып, Абылай заманының жазба құжаттарында деректермен қатар қазақтың атақты қайраткерлері туралы басқа да көптеген мағлұмат кездесетінін айтады. Нақты құжаттармен көрсетіп, бұл құжаттардың ақиқаттығына күмән келтіруге болмайтындығын ескертеді. Өйткені, автор бұлар біреулердің еріккеннен айта салған, немесе екінші, үшінші біреу арқылы жеткен хабар емес, осы құжаттар қағазға түспестен бұрын тексерілген, тергеліп анықталған Баян батыр ерліктің, отаншылдықтың үлгіс деген тұжырымға келеді.

1. «Қазақтың ханы–Абылай», 2–том, 120–121– беттерде.

2. Қарағанды. Қарағанды облысы: Энциклопедия. – Алматы: Атамұра, 2006.

3. Тарихи тұлғалар. Танымдық – көпшілік басылым. Құрастырушы: Тоғысбаев Б. Сужикова А. – Алматы. 2009.