БИЗНЕС – ОРТАНЫ ҚАЛЫПТАСТЫРУДАҒЫ УНИВЕРСИТЕТТІҢ РӨЛІ МЕН МҮМКІНДІКТЕРІ

Мақалада кәсіпкерліктің қоғамдағы экономикалық үдерістерді дамытушы күш екендігіне көңіл бөлінген. Бірақ нақты фактордың, бүгінгі таңдағы, даму қарқыны жоғары емес. Қазақстан Республикасында кәсіпкерліктің заңнамалық базасы қалыптасқан, халықаралық рейтингтік көрсеткіштер көрсетіп отырғандай, мемлекет тарапынан қолдау көрсетіледі. Бұл үдерістерге біршама динамикалық импульс беру қажет және осы жерде негізгі орынды университеттерге берген жөн.
Университеттік кәсіпкерлік ортаның дамуына тосқауыл қойып отырған негізгі себептер анықталаған. Университеттер білім генераторы бола және оны білім алушыларға жеткізе отырып, оларды бизнес – ортаға бейімдеуге белсене қатыспайды.
Мақала авторы «кәсіпкерлік түріндегі университет» ұғымына түсінік берген. «Кәсіпкерлік» терминіне жаңадан сапалы анықтама дайындаған. Бұл бағыттарды біріктіру үшін Генри Ицковицтің «үш спираліне» ұсыныс жасаған. Яғни кәсіпкерлікті дамыту үшін университет, мемлекет және бизнес – орта өзара қатар әрекеттесуі тиіс. Негізгі бағыт ретінде кәсіпкерлік түріндегі университеттерді құру көрсетілген.
Тарихқа көз жүгіртетін болсақ, әрекет еткен ғылыми – өндірістік бірлестіктер (ҒӨБ) нақты бағыттың даму болашағының бар екендігін көздейді. Осындай ғылыми – өндірістік кластерді СҚМУ қабырғасында, жаңадан құрылған аграрлық факультетте қалыптастыруға болады. Оның тиімділігі бизнес – ортаның элементі ретінде ғана емес, сонымен қатар ауылшаруашылық, педагогикалық және инженерлік мамандықтарды оқыту базасы ретінде де анықталған.
Жоғары оқу орындарын одан әрі жетілдірудің болашағы бар бағыты ретінде «кәсіпкерлік түріндегі университеттердің» ғылыми, білім және ұйымдастырушылық қызметтері анықталған. Білім мекемелер мен бизнес – құрылымдарды одан әрі интеграциялау қажет.

1. https://forbes.kz/news.

2. https://articlekz.com/article Оценка развития малого и среднего предпринимательства в Республике Казахстан.

3. https://ru.wikipedia.org/wiki/Рейтинг лёгкости ведения бизнеса.

4. Омурзаков Т. «Сегодня доля казахстанской наукоёмкой продукции на мировом рынке практически равна нулю» // Мегаполис http://www.megapolis.kz.

5. Степаницкая О.А. Предпринимательские университеты: необходимость и условия их формирования в Республике Казахстан http://epa.oszk.hu.

6. Константинов Г.Н., Филонович С.Р. Что такое предпринимательский университет // Сибирское Сколково: тройная спираль. Сборник экспертных материалов. –Новосибирск: НГУЭУ, 2012, с. 11 – 22.

7. http://mamaspace.kz/uroven–predprinimatelskoj–aktivnosti–v–kazaxstane–itogi–2017–goda.