ҚАЗАҚСТАН РЕСПУБЛИКАСЫНДАҒЫ ФРАНЧАЙЗИНГ НАРЫҒЫНЫҢ ДАМУ МОДЕЛІ

Шағын бизнес дамуының біршама қиындықтарды өткеріп жатқаны мақалада көрсетілген. Оның себептерінің бірі – осы салада жұмыс істеп жатқан контингенттің маркетингтік зерттеулер жүргізу, тауалар мен қызмет айналымына байланысты мәселелерді шешу, ірі компаниялармен бәсекелестік күресін жүргізуде тиімді стратегия мен тактиканы қолдану үшін қажетті экономикалық және заңды білімдерінің болмауы. Франчайзингтік қатынастар негізінде әрекет ететін шағын және орта бизнесті кешенді зерттеу негізінде франчайзинг «бизнес – ортаны» ұйымдастырудың ерекше нысаны ретінде анықталған. Олар фирманың нарықтағы позициясын қалыптастыруға және қолдауға көмектеседі.
Франчайзинг шағын фирмаларға нарықтағы нақты бір өнім бойынша өзінің алдыңғы қатарлы позицияларын қолдауға бағытталған қызметтер жиынтығын ұсынады. Сонымен қатар, Қазақстан Республикасындағы франчайзинг нарығы дамуында орын алған мәселелер анықталған. Шағын бизнес субъектілерінің басынан өтіп жүрген негізгі мәселелер қаржылық қиындықтар, сондай – ақ басқарушылық, заңдық, маркетингтік және консалтингтік қызметтерді жүзеге асыратын білікті жұмыс күшінің жоқтығы.
Қазақстандағы франчайзингті дамытуда мемлекетке жауапты рөл бекітілген. Қазақстан Республикасының Үкіметі, жергілікті атқарушы органдар және басқа да ұйымдармен жүргізілетін шағын бизнестің дамуын қолдауға бағытталған іс – шаралар кешені көрсетілген.
Қорытынды негізінде авторлармен Қазақстан Республикасындағы франчайзинг нарығының даму моделі әзірленген. Онда дамудың нақты бағыттары, іс – шаралары, дамудың жауапкершілік жақтары және мәселелерді шешу жолдары көрсетілген. Франчайзинг даму моделінің әрекет етуі үшін франчайзингтік қатынастардың бір субъектісі қалыптастыратын жағдайлар, өз кезегінде, барлық субъектілерге әсер етеді. Әзірленген модель мемлекет бюджетінің қаржысын мақсатсыз жұмсауды жойып, кәсіпкерлікті қолдау үшін сапалы мемлекеттік бағдарламалар құруға мүмкіндік береді.

1. Спинелли – мл, С. Франчайзинг – путь к богатству / С. Спинелли – мл. – М.: ВИЛЬЯМС, 2007. – 384 с.

2. Сидельников В. Вестник франчайзинга, 2015.